J2男主持文頌男患癌 嘆多次化療後效果欠佳：「我好唔想離開你哋」

J2節目《不正常愛情研究所》主持之一的文頌男（Koba），去年底證實罹患罕見的尤文氏肉瘤（Ewing's Sarcoma），需要停工休息接受治療。日前(27日)他在社文平台分享抗癌之路，指自己已完成第一階段的五次化療，卻治療無效，腫瘤非但沒有縮小，反而更變大了。

他上載自己身穿病人服、坐在醫院內的光照片，相中見他沒精打采。他指「做咗五次嘅化療，但係治療無效。照咗磁力共振，發現個腫瘤唔單止冇縮細，仲變大咗少少。」他直言每次化療就像經歷生死：「體上好難受好辛苦，而且所有毛髮都甩晒，個樣好似妖怪咁，到後期仲開始痛返。我真係覺得好無奈，好似咁辛苦但係完全冇意義。」他又透露醫生對他說腫瘤變大：「最後一次化療都唔好做喇，準備做電療啦。」當時心情猶如跌入深淵。

他直言：「真係好驚，感覺距離死亡又近咗一步，而且可能唔係死咁簡單，係會死得好痛苦。」他表示下肢、盤骨附近位置越來越痛，連嗎啡亦無法舒緩，身體更會不自主抽搐，某些部位變得麻木，就連排泄出問題：「開始有種感覺係『我活得好冇尊嚴』，因為行動不便、痛，每日都係喺屋企對住四埲牆，幾乎零社交、零工作，每日都活得好似好無意義咁。我成日都好驚，好驚可能臨死前會半身不遂、全身插滿喉管、無時無刻都伴隨住巨大嘅痛楚、意識唔清醒又表達唔到自己。」

最後他說到希望有一天可以繼續他的演藝工作，更感謝一路上支持他的人，為他打氣令他有動力支持下去：「我好唔想離開你哋。」