第六度封金像影帝 梁朝偉獲妻代領獎：「佢真係好偉大嘅演員」

第42屆香港電影金像獎頒獎典禮昨日在香港文化中心舉行，電影《金手指》攬6獎成為全晚的大贏家，主角梁朝偉更憑此戲第六度榮膺最佳男主角。由於偉仔正身處德國拍戲，由其妻劉嘉玲代領獎。

梁朝偉今次憑《金手指》第6度封影帝，成為在金像獎奪最多次最佳男主角獎的演員。偉仔說：「好開心，因為都好耐冇試過喺金像獎拎過獎，也相隔十幾年。好多謝《金手指》台前幕後嘅團隊，投票嘅朋友。」他再感謝愛妻劉嘉玲：「多謝你嘅鼓勵同支持。」最後偉仔再感謝家人和41年以來支持他的觀眾朋友。

在台上代領獎的嘉玲再補充說：「我知道當大家覺得梁朝偉拎獎，一定會話又係佢拎，應該畀機會其他人，但我喺佢身上覺得佢係值得拎，因為佢係好偉大嘅演員。我相信其他演員會付出100或200分努力去拍攝，但梁朝偉永遠付出1,000分努力去做，佢真係一個好偉大嘅演員。」而偉仔則不斷說：「好嘅演員就得，唔使好偉大嘅演員。」場面搞笑。