茶餐廳粟米肉粒飯 盛惠78元引發熱議

粟米肉粒飯，是茶記的人氣碟頭飯之一，汁撈飯加上細細粒的豬肉粒，經濟又實惠。不過，近日有網民在九龍城一間茶餐廳門外的餐牌上發現，一碟粟米肉粒飯竟要價78元，直言「頹飯都賣$78，真係就嚟食唔起」。

該網民在香港討論區以「頹飯 show me your love （粟米肉粒飯）都賣$78 真係就嚟食唔起」為題發文，並上傳了一張圖片，可見一間茶餐廳門外的價錢牌，晚市供應時段為6時至10時，多款碟頭飯價錢介乎78元至79元，跟咖啡或茶，凍飲加2元。樓主所指的粟米肉粒飯售價為78元，直言「我以為我眼花」、「真係就嚟食唔起」，結果樓主去了對面的餐廳用膳。

帖文引起網民熱議，有人直言；「香港舖租貴地方細，根本就食租」、「嘩！好貴，自己煮啦!」、「有一半係食個租金」、「香港食飯穴係又貴又要受氣。」不過，另有網民認為「呢間响九龍城，品質比起其他茶餐廳係好啲，不過價錢就唔貼地，自行選擇。」