女兒發燒求助無門 鮑起靜爆粗鬧英國政府無能

影后鮑起靜（鮑姐）的女兒跟女婿和三個孫已移居英國，鮑姐在2月中完成拍劇工作後，已飛英國探望女兒同三個孫，至今仍也未回港。鑑於英國當地爆發新冠肺炎疫情，她亦細心照顧家庭並做足抗疫功夫，眼見當地確診人數不斷上升，加上女兒發燒未獲醫院協助，身在英國的鮑姐心急如焚，不禁於社交網上鬧爆當地政府。

鮑姐在社交網嚴詞譴責英國政府：「那麽多人崇拜的大英帝國！請你唔好咁廢啦！到一個點了！救救你的人民！」又以「廢」形容當地政府，之後仲忍唔住爆粗：「係呀！要你自生自滅……乜X政府。」、「病咗的人好慘」有報道指鮑姐生氣的原因，是因為女兒早前持續發燒，到醫院求診後卻被拒收，雖然最終只是感冒，而家亦退燒，虛驚一場，但為人母親，加埋呢個非常時期，都咪話唔擔心。

圖片來源：鮑起靜Facebook圖片