廖偉雄現身TVB 大玩「笑聲拍板」

66歲的藝人廖偉雄跟盧海鵬一樣是模仿始祖，他在綜藝節目《笑星救地球》中扮演的「乜太」至今仍是港人的集體回憶。

相隔17年，廖偉雄再現身TVB ，他將亮相本周日晚（16 日）播出的TVB扮嘢真人 Show《福祿壽訓練學院》。為表敬意，三位主持人「福祿壽」阮兆祥、李思捷、王祖藍除了以廖偉雄不同經典扮嘢造型亮相，還齊齊向廖偉雄送上「福祿壽訓練學院榮譽博士」榮銜之餘，更分別向廖偉雄其中三個經典表演項目致敬。三人表演完畢後，又齊齊衝到台下邀請廖偉雄上台，廖偉雄上台後即拿出當年紅極一時的「笑聲拍板」為眾人「加持」，當中自稱是「乜太」及《笑星救地球》鐵粉的祖藍開心大叫謂： 「願望成真，終於可以畀『笑聲拍板』拍到頭！」更重現「乜太」金句引爆集體回憶。

與「福祿壽」及現場眾學員打成一片的廖偉雄，事後認真又謙虛地分享扮嘢心得，其間還重現了「乜太」其中一句金句「咁就為之 very good 喇」：「你要扮嗰個人嘅特點，盡量將佢放大，如果見到旁邊嘅人笑緊，你就放得更大，如果冇人笑嘅話，就轉第二條橋再嚟過，總之要不停變同不停變，咁就為之 very good 喇！」廖偉雄還不忘感性謂：「喺演藝入面其實模仿係基礎，當你懂得扮嘢時，你就可以做到唔同嘅角色，因為你知道點去加強。演藝界每年可以出好多個小生，但係起碼十年先可以出到一個笑匠，唔係容易㗎，所以希望『福祿壽』能夠培育多啲新人。」