【生果佬的狂人日記】和勇繼續一起撐落去

噚日我喺專欄寫咗篇文章，標題係「和勇繼續一起撐落去」。僅僅一日，呢篇文章就被廣傳開去，我好開心見到班中間派同理性嘅人話我煽動，話我鼓吹暴力，如果唔係佢地狂鬧，篇文又點會傳開去傳得咁快先。啲人問我有咩回應，我生果佬都係果句：「呢條路係我自己揀嘅，就算坐監，我都唔會後悔。」嘻嘻，係咪好型呢！

文章提到1月1日遊行嗰日嘅情況。我用「裝修」呢個詞形容破壞銀行嘅行為，因為呢個係當時常用嘅表達，大家都知咩意思。有人問我：「係咪想淡化暴力？」淡化？哈哈，你哋真係唔識語言藝術。「裝修」加咗引號，係為咗傳遞一個共同語言，係一種文化符號。

文中我用「我們的勇武手足」嚟形容黑衣人，有人問我係咪即係同佢哋係一伙？呢啲問題真係多餘，你咁問我我當然話係一伙啦！無論你係「和理非」定係「勇武」，都係我哋要吸納嘅粉絲呀，如果我唔咁寫，點叫佢哋繼續撐我生果佬，撐我份《香蕉日報》呀，無人撐，邊有人科水比我呀？

最多餘係有人問我呢個係咪抗爭運動嘅一部分？我答得好直接：「係。」唔係咩？我寫文章、表態、發聲，呢啲唔係行動咩？呢條路我揀咗，就係為咗出風頭啦！唔夠出位我點問老闆收錢呀？

有人想入我罪話我煽動仇恨尤其係仇恨警察，我就話呢啲只係報章都報過嘅嘢，我只係整理出嚟，寫低，提醒大家唔好再天真啫！佢哋話我激發暴力情緒，真係笑死人。新聞係咁寫，我只係將真相攤開嚟講，咁都叫煽動？嘻嘻，我一早就諗好點答啦！

呢篇文收效咁好，我當然會繼續大嗌「和勇繼續一起撐落去」。歡迎你哋打壓我，抹黑我，幫我繼續保持人氣。手足們，撐住，唔好停，我啲粉絲仲要繼續增加呀！

#生果佬的狂人日記 #生果佬 #狂人日記 #香蕉日報 #和勇繼續一起撐落去