BIG FOUR來了！相隔12年再開紅館騷

由張衞健、許志安、蘇永康及梁漢文組成的BIG FOUR，相隔12年後宣布8月會再踏紅館舞台。這次個唱的台前幕後陣容強勁，演唱會海報同演唱會主題，由林海峰及攝影師夏永康親自操刀。

張衞健透露其實就是「BIG FOUR」這個名都是由林海峰命名：「我哋第一張演唱會海報，4個人咬住一支玫瑰花嗰張，就係由林海峰幫我哋做。好開心今次我哋三顧草廬，邀請到佢出山。」林海峰就幽默回應：「嗰次演唱會喺2010年，即係隔咗15年先至有第二個job，都算係咁，我都終於發市！」

喜愛時裝又經常為BIG FOUR扮靚的蘇永康就說，襯造型前都要問過林海峰意見，亦很開心可以為老友襯衫襯飾物，蘇永康表示：「困難喺我度，我依家嘅size畀唔到佢哋用，除咗啲披肩圍巾之外。（要加拐杖嗎？護㬹、護膝？）好彩，仲未需要！」林海峰笑指許志安低胸上陣，許志安即掩住心口：「雖然我哋成日見面，但一齊喺舞台上出現，真係好耐無感受到，直到今日一齊影海報，感覺到個力量返嚟啦！」

海報拍攝期間，現場播放多首有關友情的歌曲，林海峰鬼馬表示最初選了《監獄風雲》歌曲《友誼之光》，想著幫大家投入情緒，後來發覺沒有需要，因為他們很快就自然投入了氛圍。更點名讚張衛健：「佢好清楚我想大家表達乜嘢，一直帶住大家，始終都係最大（年紀）。」張衛健就以「牽牛上樹」形容自己同三位拍檔，不過他都說，這「三隻牛」都算乖、聽話！張衛健亦希望：「BIG FIUR走埋一齊，自自然然就會帶到快樂畀大家，經過咁多年月之後，希望今次除咗快樂，大家有更多得著。」

事隔12年，BIG FOUR都已成家立室，蘇永康更做了爸爸，他就造這次是囝囝自出生開始，首次見證四人同台表演。