郭富城開心承認老婆方媛已懷第三胎 「我好鍾意屋企熱鬧」

59歲天王郭富城，與細22年太太方媛（Moka）結婚8年，二人育有兩名女兒。早前方媛母親節分享與媽媽的合照，除了媽媽外貌成為焦點外，她的腹部微隆亦引起討論，對於有傳方媛疑似正懷第三胎，郭富城回應時被指疑似默認將再為人父。之後郭富城帶老婆入馬場，方媛的腹部已有隆起情況，方媛懷三胎的傳聞可謂越傳越盛。日前方媛自拍短片，入面她介紹好用尿片，她親爆「說不定以後我的寶寶也能用得上」，間接官宣已懷第三胎！郭富城於昨日父親節（15日）下午出席活動，終於首度承認自己將第3度做老竇，他表示很多謝上天賜他這份寶貴的禮物。

郭富城接受訪問，終於首次承認第3度做爸爸：「今日(15日)係父親節，方力申講咗佢今日做爸爸，我好恭喜佢啦，而我又做Daddy喇，我好開心。大家都一直好關心（是否再做爸爸），我一直都講是天賜的禮物，我都好鍾意屋企好熱鬧，就算是多一個小朋友，我好願意去接受呢份禮物，好多謝上天畀我呢份禮物。」郭富城被問到有第3個小朋友是否在計劃之一，郭富城指不講太多，但他補充一直在生育上都是隨緣。