陳百祥：「當啲暴徒暴力升級去到不能容忍嘅時候，警察開槍保護自己係好正常」

早前藝人「阿叻」陳百祥特意為一班警員送上奶茶慰問打氣，並提及「如果我做警務署長好了，兩個月前就開了真槍」，引來全城熱烈討論。他日前到將軍澳電視廣播城錄影節目時曾就此事接受《香港01》訪問，他為自己的言論解畫。

陳百祥說：「當啲暴徒暴力升級，去到不能容忍嘅時候，警察開槍保護自己係好正常，大家見到一大班人唔係示威，而係追住個警員將佢撳咗落地，用唔同嘅利器襲擊個警員，好彩旁邊有自己嘅伙記喺度，示威者轉向果名警員施襲，警員為保護自己及同袍開一槍......如果唔開槍，你哋覺得用咩方法可以制止到佢哋？佢哋升級嘅暴力，最終都要用暴力嚟去止暴，我唔覺得警察錯。」