方力申感謝父母包容太太捲入邪教事件

家庭與事業皆順利的方力申，於今年情人節宣布與交往兩年的葉萱結婚，並在父親節時公布太太懷孕的喜訊，即將升格為人父。近日，方力申做客一檔網絡節目，大方公開求婚細節，並罕見談及父母對新娘捲入邪教事件的看法。

方力申表示自己早已到了適婚年齡，恰巧有機會前往拉斯維加斯工作，「阿媽就話不如結埋婚，咁就開始去組織，有個好好嘅朋友幫我預訂一系列嘅嘢，租咗架飛機掛住『Will You Marry Me』，大家以為好貴，但其實只係五位數字。」

驚喜求婚計劃看似一切順利，但過程中其實發生了一些小插曲。「太太臨時臨急話唔去拉斯維加斯，我阿媽就打開口牌：『你去啦，佢（小方）可能會同你求婚！』跟住太太問我，我話冇可能，一定唔會！當離開拉斯維加斯，佢就覺得唔會，因為大家以為拉斯維加斯最容易結婚，但原來洛杉磯都得，佢以為冇咗呢件事，去到真係求婚嗰一刻，佢都愕然，再結婚簽紙就更加愕然！」

談到太太，方力申立刻讚不絕口：「我覺得佢好唔同，之前去歐洲旅行，返嚟乜都冇買過，佢唔係好需要呢啲，食嘢又係好貼地，同我一樣生活比較簡單，當然佢天真樂觀嘅性格，都係好吸引我！」

早年葉萱曾捲入韓國邪教性侵事件，並以受害者身份勇敢發聲。方力申坦言，交往一段時間後才向父母說明此事，「我媽咪好支持佢，可能佢哋都係白羊座，敢愛敢恨，覺得做得啱，需要發聲就應該講，當時嘅畫面我都有拍低，媽咪攬住Maple話：『無論你將來同我個仔得定係唔得，我都當你係我個女！』我聽到媽咪咁錫自己嘅女朋友，第一係如釋重負，第二覺得好窩心！」方力申還提到，連爸爸也非常疼愛葉萱，一家人吃飯時都會詢問葉萱想吃什麼，相處如此融洽，因此婚後即使與父母同住也沒有任何問題。