王喜發千字「遺言」 稱在台灣被人設局陷害

現年58歲的王喜，曾於TVB經典劇集《烈火雄心》中當上男一而爆紅，但立場偏激後舉止開始怪異，早前他曾透露在台灣兩度遭男友人迷姦，近來他移居到英國生活，頻繁在網上分享日常。原來他於本月18日入境台灣，他指於當地有人設局陷害他，希望令他跌入「無錢用、無屋住、無嘢食」的死局，並於社交網留有千字「遺言」，讓人不禁擔心他的安危。

王喜以《遺言一大版》為題撰寫文章，但他並非想自殺，相反他指自己現時處境十分危險，因為他指自己在台灣正被密切監控，他留言指台灣居留證將於9月24日屆滿，到時就沒辦法出境、使用網上銀行或工作。

王喜在文中表示：「唔怪之得，越接近9月24號，佢係就越嚟越貼近我雙臂能及嘅距離，包圍住我，佢哋唔係跟蹤監視我，係防止我離開呢度。只要我人在台灣，佢哋就可以製造、生產、發明一啲人證物證生物化學證據，證明我觸犯『緩起訴』嘅條件，依法改判長期監禁。」

王喜明言自己已睇通對方的局，認為今次自己要不被捕長期坐監，要不就會落入因為無錢而無法生存的死局：「隨著《跟監男女》全面浮面，明刀明槍企喺面前跟蹤監視，即係有嘢揸手，仲越揸越大條，畢竟，人在台灣，肉在砧板，要dna有dna，要血有血，要精有血」。

王喜直指自己處境好危險，或者會於台灣客死異鄉：「無錢用、無屋住、無嘢食嘅我，無錢請律師辯護，無錢請律師提告嗰條佢哋出盡奶力保護嘅人。下次嚟呢個島度玩嘅時候，記得諗起：我係點樣死喺呢度」。