被傳身患絕症兼杜汶澤癱住去偷食 田蕊妮怒斥假新聞

現年48歲視后兼劇后田蕊妮與丈夫杜汶澤移居台灣，去年自爆做身體檢查時發現肺部陰影，確診患上非常初期的肺腺癌，完成手術後稱體內已沒有癌細胞。她日前在fb發文，透露收到堂家姐傳來訊息，有報道指她患上絕症，我老公四肢癱瘓仲要偷食，爭人過百萬要走佬去台灣，田蕊妮看後反應極大：「我內心講咗好多句救命兼且反白眼反到去後腦！」，惟有向堂姐解釋指：「假新聞嚟㗎，呢個世界好多Hater㗎」。

田蕊妮講述事件來龍去脈，表示：「有一件事，真心搞笑，好想同大家分享一下，話說我人在美國準備上飛機返台北，突然收到堂家姐傳來一個訊息，語氣非常擔心地問我：『你同阿澤冇事呀嘛？』我：吓？咩事？？？』堂家姐：我唔八卦㗎，但係有好多朋友問我話最近有好多關於你哋嘅post！』我：『吓？咩post? 係邊度？』」。

堂姐傳來一段簡體字新聞，內容大概是：「我有絕症，我老公四肢癱瘓仲還偷吃，欠債100萬多逃到台灣。」田蕊妮向堂家姐澄清：「假新聞嚟㗎，呢個世界好多Hater㗎」，而堂家姐則語重心長說：「無論點都好啦，你有咩事都要同我講，就算我幫唔到你，都可以有mental support」。田蕊妮形容當下心情：「我內心講咗好多句救命兼且反白眼反到去後腦！」

田蕊妮並在帖文交待近況，表示：「我身體好到不得了」，又笑言：「如果我老公四肢癱瘓，仲可以去偷食，其實會唔會算係一種成就？ 至於欠債呢一件事，我係咪要認真考慮一下好似向生向太咁出嚟開個記者會？」最後她表示：「呢件事令我知道做人千祈唔好理人點諗，唔好活喺別人嘅眼光底下」。