遭腐液淋傷警員寫信報平安 感謝專業醫護悉心照顧
10月1日在屯門被暴徒用腐蝕性液體灼傷的警員，近日向同事發信，他在信中表示自己今次雖然受了嚴重的傷，但沒有後悔加入警隊。他又特別向專業的醫護人員表示謝意，「在我接受治療期間，威爾斯親王醫院既醫生、護士同其他醫護人院都非常專業，佢地對我作出非常悉心既照顧、詳細解釋我既情況同傷勢。我對佢地既專業精神深受感動，我衷心感激每一位曾經照顧過我既醫護人員。」以下為其信件全文：
各位警務處既同事:
我係早前十月一日受傷的屯門反黑同事，首先我想係度報個平安先，我冇大礙! 事源當日我喺屯門便衣當值，其間係屯門大會堂外制服一名被捕示威者時，被裝有腐蝕性液體既水槍射中，導致背部一部份及右手手臂內側嚴重灼傷（第三級燒傷）。我相信大家都已經係唔同群組睇過我受傷既相。事實上，我係受傷當日，已經打左8支嗎啡止痛，可想而知我受既傷比大家睇到既相嚴重得多…醫生雖然同我講我冇生命危險，但我右手神經死哂，需要做2至3次手術，同埋留醫一段長時間。尋日(10月2 日)我已完成第一次清創手術，我黎緊仲要再做2至3次植皮手術，然後需要一段時間休養同進行復康過程。
我想同各位同事講，雖然我今次受左好嚴重既傷，但我冇後悔加入警隊，亦唔會因為今次受傷而退縮！我加入警隊已經13年，我知道今次既受傷係我警隊生涯最大既挑戰之一，但我會一如既往去面對。縱使我知道黎緊要面對漫長既復康過程，但傷患唔會將我擊倒，我會盡快康復，變得比以前更強！
各位，我可能有一段時間唔可以同大家並肩作戰，但我既心會繼續支持大家！呢段咁困難既時間，我地做到既野可能好有限，但大家一定要小心保護自己，工作時戴足夠既保護裝備，我唔希望再有任何同事受傷。同樣，不論身份立場，每一個人既安全性命同樣重要，我希望大家無論係呢段期間有幾辛苦，幾難捱，都繼續以我地既專業精神，以公正無私既態度執法，唔好忘記我地警察既身份，令我地可以繼續以作為警察為榮。
另外，我都好想藉此機會向專業的醫護人員表示謝意。在我接受治療期間，威爾斯親王醫院既醫生、護士同其他醫護人院都非常專業，佢地對我作出非常悉心既照顧、詳細解釋我既情況同傷勢。我對佢地既專業精神深受感動，我衷心感激每一位曾經照顧過我既醫護人員。
最後好多謝我受傷其間一直幫手既福利部同事，我既上級，我既同隊，多謝！
各位警務處既同事:
我係早前十月一日受傷的屯門反黑同事，首先我想係度報個
我想同各位同事講，雖然我今次受左好嚴重既傷，但我冇後
各位，我可能有一段時間唔可以同大家並肩作戰，但我既心
另外，我都好想藉此機會向專業的醫護人員表示謝意。在我
最後好多謝我受傷其間一直幫手既福利部同事，我既上級，
