區議員認探監為選舉 在囚「手足」 嬲爆
坐監坐到寫手冊教人的香港眾志秘書長黃之鋒日前在Facebook上載一張對話截圖，指有區議員去監獄探訪在囚「手足」時，「問埋啲九唔搭八嘅嘢」，不但連在囚手足叫咩名同衰咩都唔知，又問人哋監獄有冇得用電話上網，還直認探監係為了選舉「無可厚非」，嬲到在囚「手足」要「即刻終止探訪」。
黃之鋒日前上載的對話截圖寫著：「話說啱啱有個手足同我講，話有個區議員入去探佢，問埋d（啲）九唔搭八嘅嘢，咁個手足就問『其實你哋入嚟係做咩，係為咗選舉定係點』，佢區議員就答『其實都無可厚非係既（嘅）』，佢嬲到即刻終止探訪。」
「佢話佢一入到去就問佢叫咩名，但手足就認為你入泥（嚟）係應該都知道我叫咩名架（㗎）咩。根（跟）住又問手足衰咩，還押（柙）左（咗）幾耐，佢覺得好不被尊重，入去之前唔係至少都應該睇一睇佢係發生咩事先至入去嘅（㗎）咩，但點解連佢叫咩名都唔知。」「同埋有d（啲）議員入去探佢地（哋）既（嘅）時候，真係會問『呢到（度）有無得用電話上網架（㗎）？』手足好質疑佢地（哋）係咪真係唔知監獄係個咩地方！」
黃之鋒還在帖文「賣廣告」，叫人探訪在囚「手足」前，要先讀他撰寫的「坐監手冊」：「純屬溫馨提示，在索取在囚政治犯姓名及編號，用作公務訪前，煩請細閱白手指南......了解監獄狀況。」
黃之鋒日前上載的對話截圖寫著：「話說啱啱有個手足同我
「佢話佢一入到去就問佢叫咩名，但手足就認為你入泥（嚟
黃之鋒還在帖文「賣廣告」，叫人探訪在囚「手足」前，要
