拍警匪電影被「問候」 喬寶寶勁無奈

返蘇格蘭同家人團聚，享受5個半月退休生活的藝人喬寶寶，兩周前低調返港隔離，為新電影《時代》演出。據中通社早前透露，電影講述新聞報道員與香港警察攜手合作，揭發一連串社會暴力行為與外部勢力干預有莫大關係。對於所接拍的電影被不少網民「高度關注」，寶寶坦言接拍前只知道是一部警匪片，「話有個警官角色需要一位外籍人士，至於內容及合作演員就唔太清楚，接咗之後就俾網民留言狂鬧，甚至爆粗『問候』，真係好無奈，我又唔係劉德華、周潤發，冇得揀角色，只係做返演員本份。」

喬寶寶更語帶無奈地表示：「我冇政見立場，每個香港人都係我朋友，我好愛香港，當日香港疫情第一波，我專程由印度運口罩返香港派畀弱勢社群。有時做人都幾艱難，正如當日拍《機動部隊2019》，都有舊同事不滿我拍戲唱衰紀律部隊。」