梁繼昌竟然話 「攬炒變四線城市好蠢 從不撐美制裁」
因被指赴美鼓動制裁而被DQ的會計界議員梁繼昌近日接受《信報》專訪時聲稱，自己從不贊成制裁，他解釋，制裁於國際關係上根本無效，「你要sanction一個地方，受苦只係人民……我去英國讀書第一年，修讀國際關係101，其中一個大topic就係制裁。」
既然不贊成制裁，為何要應邀到美國？梁繼昌在訪問中解釋：「想了解制裁機制」，「我係想知道究竟制裁對香港有咩負面影響，希望可以避到，咁我梗係要了解成個制裁機制點樣運作。」當時華府關注香港局勢，他於是如實相告，「佢問我『香港係咪好亂』，係，香港的確好亂，『咁係咪要解決？』係，不過唔係用高壓手段，而係用政治解決個問題。」
訪問中梁繼昌多次表明反對制裁，惟他訪美後鮮有宣揚有關觀點，他就此解畫：「你知好多朋友話（制裁）愈勁愈好，要『攬炒』，但係我冇必要講一啲嘢去刺激群眾。」他認為，溫和派無能力干涉激進派行動，「我哋係勒唔住佢哋嘅，佢哋係狂奔野馬，我哋只可以企喺度。」
除了不贊成制裁，示威者另一高舉口號「攬炒」又如何？他直言要視乎定義，「香港變成第四線內地城市，冇晒活力冇外國投資，如果係咁嘅『攬炒』，我覺得係絕對不可能接受嘅『攬炒』，如果真係咁我會覺得係一種好蠢嘅『攬炒』。」
